RBI ने IFSC मध्ये सॉवरेन ग्रीन बाँड (SGrB) च्या व्यापार आणि सेटलमेंटसाठी एक नवीन योजना सुरू केली आहे. विदेशी गुंतवणूकदारांचा सहभाग वाढवून ग्रीन बॉण्ड्सची बाजारपेठ वाढवणे हा या हालचालीचा उद्देश आहे. ही योजना केवळ भारत सरकारने जारी केलेल्या सॉवरेन ग्रीन बाँड्सना लागू होते, ज्यांचा IFSC मधील पात्र गुंतवणूकदारांकडून व्यापार केला जातो.
परदेशी गुंतवणूकदारांसाठी मूलभूत नियम
भारतीय रिझर्व्ह बँक (RBI) ने आंतरराष्ट्रीय वित्तीय सेवा केंद्र (IFSC) द्वारे परदेशी गुंतवणूकदारांना सॉवरेन ग्रीन बॉन्ड्स विकण्याबाबात मूलभूत नियम तयार केले आहेत. RBI ने मार्गदर्शकतत्त्वांमध्ये म्हटले आहे की विदेशी बँकांच्या IFSC बँकिंग युनिट्स (IBU), ज्यांची भारतात कोणतीही शाखा किंवा परवानाधारक बँकिंग नाही, ते सॉवरेन ग्रीन बाँडमध्ये गुंतवणूक करण्यास पात्र असतील.
आरबीआयने योजनेबद्दल मांडले मत
RBI ने म्हटले आहे की पात्र सहभागींमध्ये भारताबाहेर राहणाऱ्या व्यक्ती, परदेशी बँकांच्या आंतरराष्ट्रीय बँकिंग युनिट्स (IBUs) आणि IFSC अधिकाराखाली नियमन केलेल्या काही निधी किंवा योजनांचा समावेश आहे. फायनान्शिअल ॲक्शन टास्क फोर्स (FATF) द्वारे ओळखल्या गेलेल्या कमी जोखमीच्या अधिकारक्षेत्रातील घटकांना योजनेतील सहभागातून वगळण्यात आले आहे. ही योजना गुंतवणूकदारांना आरबीआयच्या मार्गदर्शक तत्त्वांचे पालन करून प्राथमिक लिलाव आणि दुय्यम बाजारातील व्यवहारांमध्ये भाग घेण्याची परवानगी देते. गुंतवणूकदार अधिकृत क्लिअरिंग कॉर्पोरेशन मार्फत प्राथमिक लिलावामध्ये स्पर्धात्मक बोली लावू शकतात, जे एकत्रित करणारे म्हणून काम करेल.
पारदर्शकता सुनिश्चित करण्यासाठी, रोख्यांचे सेटलमेंट RBI च्या विहित प्रक्रियेचे पालन करेल. IBU प्राथमिक लिलावात भाग घेऊ शकत नाहीत, परंतु त्यांना त्यांच्या मूळ बँकांसह “बॅक-टू-बॅक” व्यवस्थेअंतर्गत व्यापार करण्याची परवानगी आहे.
भारतीय अर्थव्यवस्था
भारतीय अर्थव्यवस्था दिवसागणिक वाढत आहे. नवनवीन गुंतवणूक योजनांच्या माध्यमातून सामान्यांतील सामान्य नागरिकांना गुंतवणूक करता येईल अशा पद्धतीने आर्थिक प्रकल्प राबवले जात आहेत. BSE आणि NSE या दोन्ही देशांतर्गत शेअर मार्केटमध्ये अनेक कंपन्यांचे लिस्टिंग होत आहो. मेक इन इंडियाच्या माध्यामातून आणि स्टार्ट अपच्या माध्यमातून अनेक व्यवसायिक औद्योगिक क्षेत्रात नवनवीन संकल्पना राबवत आहेत. नक्कीच भारतीय अर्थव्यवस्था ही आज जागतिक पातळीवर स्पर्धा करण्यास तयार असल्याचे देखील तज्ञांकडून मत मांडले जात आहे.
